युनिकोड
उपचारका लागि हाल सिंगापुरमा रहेका प्रधानमन्त्री केपी शर्मा ओलीलाई आज (मंगलबार)तेस्रोपटक ‘प्लाज्माफेरेसिस’ गरिँदैछ।
सिंगापुरस्थित नेसनल युनिभर्सिटी अस्पतालमा प्रधानमन्त्रीकाे उपचार भइरहेकाे छ।
प्रधानमन्त्रीको शरीरमा देखिएको ‘मृगौलासम्बन्धी एन्टिबडी’ को उपचारअन्तर्गत ‘प्लाज्माफेरेसिस’ प्रक्रिया ७ पटक गर्नुपर्ने चिकित्सकले बताएका छन्।
बिहीबार सिंगापुर पुगेका प्रधानमन्त्री ओलीको शुक्रबारदेखि दिन बिराएर ‘प्लाज्माफेरेसिस’ प्रक्रिया थालिएकाे हाे।
त्यस क्रममा शुक्रबार र आइतबार गरी दुईपटक प्लाज्माफेरेसिस भइसकेको छ ।
आज फेरि तेस्राेपटक उक्त उपचार प्रक्रिया गर्न लागिएको हो। उनको शरीरमा आवश्यकभन्दा भिन्न प्रकारको एन्टिबडी देखिएपछि प्लाज्माफेरेसिस प्रक्रिया अपनाइएको हो ।
विशेषज्ञका अनुसार एन्टिबडी हटाउन शरीरको रगत निकालेर उपचार गरेर फेरि त्यसलाई शरीरमा पठाउने प्रक्रिया प्लाज्माफेरेसिस हाे। जसले गर्दा मृगौलामा भइरहेको आक्रमण रोक्न सकिन्छ ।
प्रतिक्रिया