सर्वाेच्च अदालतको आदेशविरुद्ध शंकर पोखरेलको यस्तो कटाक्ष

सर्वाेच्च अदालतले कामचलाउ प्रधानमन्त्री केपी शर्मा ओलीले गरेको मन्त्रिपरिषद् पुनर्गठन बदर गर्ने अन्तरिम आदेश जारी गरेपछि सरकार पक्ष रुष्ट भएको छ।

यसविरुद्ध ओली पक्षका एकपछि अर्का नेताले असन्तुष्टि व्यक्त गरिरेहका छन्।

यसै क्रममा लुम्बिनी प्रदेशका मुख्यमन्त्रीसमेत रहेका एमाले नेता शंकर पाखेरलले विगतका प्रधानमन्त्रीले प्रयोग गरेकै अधिकार अहिले ओलीले प्रयोग गर्न नपाएको दाबी गरेका हुन्।

यसैलाई अधिनायकवाद भनिन्छ क्यारे भनेर उनले कटाक्ष पनि गरेका छन्।

‘विगतका प्रधानमन्त्रीले प्रयोग गरेको अधिकार नै प्रयोग गर्न नपाउने अवस्थालाई ‘अधिनायकवाद’ भनिँदोरहेछ,’ नेता पोखरेलले बुधबार बिहान सामाजिक सञ्जालमा लेखेका छन्, ‘राजनीतिको नयाँ भाष्य!’

दोस्रोपटक संसद् विघटनपछि प्रधानमन्त्री ओलीद्वारा नियुक्ति २० मन्त्रीको पद मंगलबार अन्तरिम आदेश दिँदै सर्वाेच्च अदालतले खारेज गरेपछि अहिले ओली सरकार उनीसमेत ५ सदस्यीय भएको छ।

यी पनि :

आत्तिए सूर्य थापा, भन्छन्ः प्रचण्डको भाषण र सर्वाेच्च अदालतको फैसला हुबहु!

ओलीको ओरालो यात्रा : यी हुन् सर्वाेच्च अदालतद्वारा बदर उनका ९ निर्णय