युनिकोड
अमेरिकाले नेपालमा व्यापकरुपमा फैलिरहेको कोरोना महामारी रोक्नका लागि तीव्ररुपमा समस्याको सम्बोधन गर्न सुरु गरेको बताएको छ।
अमेरिकी विदेशमन्त्री एन्टोनी ब्लिन्केनले त्यसै क्रममा अमेरिकाले पहिलो खेपका स्वास्थ्य सामग्री पठाइसकेको बताएका छन्।
उनले पहिलो खेपमा स्वास्थ्यकर्मीहरुको सुरक्षाका लागि अति महत्वपूर्ण हुने उपकरण तथा सामग्री पठाइएको र यसैगरी शृंखलावद्ध उडानमार्फत् नेपाललाई सामग्री पठाइने उनले जनाएका छन्।
ब्लिन्केनले नेपालमा कोभिड १९ को भएको बृद्धिपछि तीव्र रुपमा त्यो काम गरेको बताएका हुन् ।
‘हामीले नेपालमा ५ करोड डलर भन्दा बढि सहयोग गरिसकेका छौं,’ उनले भनेका छन्।
हिजो अमेरिकी सहयोग नियोग यूएसएडले नेपालमा आपतकालीन सहयोगका लागि स्वास्थ्य सामग्रीले भरिएको हवाइजहाज नेपाल पठाएको जनाएको थियो।
यूएसएडका अनुसार उसले पठाउन लागेका तीनमध्ये एक जहाज काठमाडौंका लागि छुटिसकेको हो।
सो जहाजमा स्वास्थ्यकर्मीका लागि सर्जिकल मास्क, फेस सिल्ड, पञ्जा पठाइएको छ।
यो पनिः अमेरिकाबाट स्वास्थ्य सामग्री लिएर काठमाडौं उड्यो जहाज
अमेरिकी राष्ट्रपति जो बाइडेनले अमेरिकाले ८ करोड भ्याक्सिन विभिन्न मुलुकलाई प्रदान गर्ने भनी घोषणा गरेको केहि दिनलगत्तै नेपाललाई स्वास्थ्य सामग्री पठाउन थालेको छ।
— Secretary Antony Blinken (@SecBlinken) May 20, 2021The U.S. is rapidly responding to Nepal’s COVID-19 surge with our first shipment in a series of critical equipment deliveries to protect healthcare workers. Our assistance to Nepal now exceeds $50M and builds on our commitment to help South Asia combat the pandemic. https://t.co/ZRh6mzW6ow
तर भ्याक्सिन वितरणमा नेपाल प्राथमिकतामा पर्छ कि पर्दैन भन्नेबारे भने अमेरिकी अधिकारीहरुले किटानका साथ केहि बताएका छैनन्।
त्यसबारे केहि हप्तामै थप जानकारी प्राप्त हुने उनीहरुको भनाइ छ।
यो पनिः
बाइडेनको ८ करोड खोप सहयोगमा के नेपाल प्राथमिकतामा पर्ला?
प्रतिक्रिया