प्रधानमन्त्री केपी शर्मा ओलीको पीसीआर परीक्षणको लागि स्वाब संकलन गरिएको छ।
प्रधानमन्त्री ओलीका प्रेस सल्लाहकार सूर्य थापाले प्रधानमन्त्री ओलीको कोरोना परीक्षणका लागि स्वाब संकलन गरिएको बताए।
उनले भने, ‘आज बालुवाटारमा प्रधानमन्त्रीज्यूसँगै स्वकीय र निजी सचिवालय, सुरक्षा निकाय र चालकहरूसहित १०० जनाभन्दा बढीको स्वाव संकलन गरिएको हो।’
प्रधानमन्त्री ओलीले आगामी २७ गते संसदमा विश्वासको मत लिँदै छन्।
त्यसअगाडि सांसदहरुसहित संसद सचिवालयका कर्मचारी, सुरक्षाकर्मीलगायतको कोरोना परीक्षणका लागि स्वाब संकलन बुधबार र बिहीबार गरिएको थियो।
त्यसमध्ये बुधबारको परीक्षणमा तीन कर्मचारीसहित चार सांसदमा कोरोना पुष्टि भइसकेको छ। बिहीबार लिइएको स्वाबको रिपोर्ट भने आउन बाँकी नै छ।
प्रतिक्रिया