युनिकोड
नेपाली कांग्रेसका केन्द्रीय सदस्य नवीन्द्रराज जोशीको परिवारले सरकारले उपचारका लागि दिने घोषणा गरेको १० लाख सहयोग नलिने भएको छ।
मस्तिष्काघात भएपछि नेता जोशी नर्भिक अस्पतालमा फागुन १४ देखि उपचार गराइरहेका छन्।
उनको अवस्था गम्भीर छ। सरकारले केही दिनअघि मात्रै जोशीको उपचारका लागि १० लाख सहयोग दिने घोषणा गरेको थियो।
तर जोशीको परिवारले भने उक्त सहयोग नलिने जनाएको हो।
जोशीनिकट सुशान्त आचार्यले सरकारले घोषणा गरेको सहयोग परिवारले नलिने बताएको नेपालखबरलाई जानकारी दिए।
‘सरकारले १० लाख दिने घोषणा गरेकोमा हामीले धन्यवाद दिएका छौँ’, आचार्यले भने, ‘दाइको सम्मानमा सरकारले घोषणा गरेको रकम विपन्न नागरिकको उपचारमा खर्च होस्!’
प्रतिक्रिया