युनिकोड
नेकपा एमाले ओली पक्षकी नेत्री एवं सांसद शान्ता चौधरीले माधव नेपाल पक्षका सांसदलाई ‘अराजक’को संज्ञा दिएकी छन्।
एमाले अध्यक्ष एवं प्रधानमन्त्री केपी शर्मा ओलीले बिहीबार सरकारी निवास (बालुवाटार) मा संसदीय दलको बैठक राखेका थिए। जसमा खबर भए पनि नेपाल पक्षका सांसद सहभागी भएनन्।
यसै सन्दर्भमा सांसद चौधरीले एमाले संसदीय दलका नेता ओलीले बोलाएको बैठकमा समेत नआएको भन्दै अनुपस्थित सांसदहरूले अराजकता देखाएको आरोप लगाएकी हुन्।
बिहीबार राति सामाजिक सञ्जालमा लेखेकी छन्, ‘दलको नेताले बोलाउनुभएको संसदीय दलको बैठकमा अनुपस्थित माननीयज्यूहरूको अगाडि अराजकताको प्रश्न चिन्ह खडा भयो।’
संसदीय दलको बैठकमा उपस्थित नै नभए पनि प्रधानमन्त्री ओलीको अध्यक्षतामा गठन गरिएको संसदीय बोर्डमा झलनाथ खनाल र माधवकुमार नेपाललाई पनि सदस्य राखिएको छ।
प्रतिक्रिया