युनिकोड
जनता समाजवादी पार्टीको संदीय दलको बैठक सिंहदरबारमा सुरु भएको छ।
समाजवादी पार्टी नेपाल र राष्ट्रिय जनता पार्टी मिलेर जसपा बनेपछि पहिलोपटक दलको बैठक बसेको हो।
पहिलो बैठक भएकाले जसपाले समसामयिक राजनीतिक विषयको समीक्षा, संसदीय दलको विधान पारित गर्ने र दलको नेता चयनका विषयमा पनि छलफल हुने सम्भावना रहेको एक सांसदले जानकारी दिए।
प्रधानमन्त्री केपी शर्मा ओलीले दल विभाजन खुकुलो पार्नेगरी अध्यादेश ल्याएपछि समाजवादी पार्टी र राजपाबीच २०७७ वैशाख १० गते पार्टी एकता भएको थियो।
एकतापछि जसपा बनेको थियो। जसपाको हाल ३१ सांसद रहेका छन्। एकतापछि ३३ सांसद भएपनि जसपाका हरिनारायण रौनियार र सांसद रेशम चौधरी निलम्बनमा छन्।
आजको दलको बैठकले केपी ओली सरकारमा जाने कि नयाँ कांग्रेस, माओवादी केन्द्र सहितको सरकारमा सहभागी हुने भन्ने बारेमा पनि छलफल गर्ने नेताहरुले बताए।
यो पनि:
सत्ता जोगाउन जसपा फकाउँदै ओली, रेशम चौधरी रिहा गर्ने ‘प्रतिबद्धता’
प्रतिक्रिया