युनिकोड
राष्ट्रपति विद्यादेवी भण्डारीले माघे संक्रान्ति पर्वको अवसरमा शुभकामना सन्देश जारी गरेकी छन्।
बिहीबार बिहान शुभकामना सन्देश जारी गर्दै राष्ट्रपति भण्डारीले माघे संक्रान्ति पर्वले नेपालीबीच आपसी एकता र सदभाव अभिवृद्धि गरी बृहत् राष्ट्रिय एकता थप सुदृढ पार्न मद्दत पुगोस् भन्ने कामना गरेकी छन्।
माघे संक्रान्ति पर्वले नेपालका हिमाल, पहाड र तराईमा बसोबास गर्ने सबै जातजाति र समुदायका जनताबीच आपसी मेलमिलाप, सद्भाव र सहिष्णुता अभिवृद्धि गरी सामाजिक सांस्कृतिक एकतालाई सुदृढ बनाउने विश्वाससमेत उनले व्यक्त गरेकी छन्।
‘यस पर्वबाट मौलिक सांस्कृतिक परम्पराको संरक्षण र सम्वर्द्धन गर्न तथा विविध भौगोलिक क्षेत्र, जातजाति, भाषा र संस्कृतिका नेपालीबीच आपसी एकता, मित्रता, सहयोग र सद्भाव अभिवृद्धि गरी बृहत् राष्ट्रिय एकतालाई थप सुदृढ पार्न मद्दत पुगोस् भन्ने कामना गर्दछु,’ राष्ट्रपतिको शुभकामना सन्देशमा भनिएको छ।
प्रतिक्रिया