युनिकोड
सत्तारुढ दल नेपाल कम्युनिस्ट पार्टी (नेकपा)को सचिवालय बैठक प्रधानमन्त्री निवास बालुवाटारमा सुरु भएको छ।
दिउँसो सवा १ बजेबाट प्रधानमन्त्री निवास बालुवाटारमा सुरु भएको सचिवालय बैठकमा प्रधानमन्त्री एवं अध्यक्ष केपी शर्मा ओली पनि सहभागी भएका छन्।
यसअघि १७ गते बसेको बैठकमा ओली सहभागी नहुँदा बैठक आजका लागि सारिएको थियो। १७ गतेको बैठकले प्रधानमन्त्री ओलीलाई आजको बैठकमा अनिवार्य रुपमा उपस्थित हुन निर्देशन दिएको थियो।
बैठकअघि दुई अध्यक्षबीच एक्लाएक्लै छलफल भएको थियो। दुई अध्यक्षबीचको छलफलले सहमतिको वातावरण बनाएको र त्यसबारे आजको बैठकमा छलफल हुने बालुवाटार स्रोतले जानकारी दियो।
‘सहमतिको वातावरण बनेको छ, अब बैठकमा त्यसबारे छलफल हुन्छ’, स्रोतले नेपालखबरसँग भन्यो।
प्रतिक्रिया