युनिकोड
चार राज्यको मतले अमेरिकी राष्ट्रपति निर्वाचनकाे परिणाम निर्धारण गर्ने भएको छ।
पेन्सिलभेनिया, मिचिगन, जर्जिया र विस्किन्सिन राज्यको चुनावी परिणामले राष्ट्रपति डोनाल्ड ट्रम्प र जो वाइडेनको जीत निर्धारण गर्ने देखिएकाे छ।
पेन्सिलभेनियामा २०, मिचिगन तथा जर्जियामा १६–१६ र विस्किन्सिनमा १० इलेक्ट्रोल कलेज छन्।
अमेरिकी राष्ट्रपतिमा निर्वाचित हुनका लागि २ सय ७० इलेक्ट्रोल कलेज जित्नु पर्छ।
सीएनएनका अनुसार अहिलेसम्म वाइडनले २ सय १५ र ट्रम्पले १ सय ६५ इलेक्ट्रोल कलेज जित्ने निश्चित भैसकेको छ।
महत्वपूर्ण मानिएका यी चारवटै राज्यमा ट्रम्पकै अग्रता कायम छ।
तर धेरै मत गणना हुन बाँकी रहेकाले अहिले नै निर्वाचन परिणाम आँकलन गर्न कठिन हुने र पूर्ण नतिजा आउन भने समय लाग्ने सञ्चारमाध्यमहरुले जनाएका छन्।
पेन्सिलभेनियामा ६२ प्रतिशत, मिसगनमा ५६ प्रतिशत, विस्कन्सिनमा ७१ प्रतिशत र जर्जियामा ८१ प्रतिशत मत गणना भैसकेको छ।
मतगणना जारी रहेपनि ठूला राज्यहरु क्यालिफोर्निया र न्युयोर्क वाईडनले जित्ने र तीव्र प्रतिस्पर्धा हुने अनुमान गरिएको फ्लोरिडा राज्य ट्रम्पले जित्ने निश्चित भएको छ।
प्रतिक्रिया