मंगलबार दिल्लीमा भारत र अमेरिकी अधिकारीहरुले सम्झौतामा हस्ताक्षर गरेको बीबीसीहिन्दीले जनाएको छ।
हाल चीनसँग अमेरिका र भारत दुवैको विवाद छ। यसबीचमा अमेरिका र भारतले बेका सम्झौतामा हस्ताक्षर गरेर भूउपग्रहको डेटा तथा जानकारीहरु साझा गर्ने सहमति गरेका हुन्।
भारत भ्रमणका लागि सोमबार अमेरिकी विदेशमन्त्री माइक पोम्पिओ र रक्षामन्त्री मार्क एस्पर भारत आइपुगेका थिए।
मंगलबार यी दुईमन्त्रीले टु प्लस टु बैठकमा भारतका रक्षामन्त्री राजनाथ सिंह र विदेशमन्त्री एस जयशंकरसँग भेटघाट गरेका थिए।
मिसाईल, ड्रोन र अन्य हतियारहरु आक्रमणका लागि यो डेटा साझा गर्ने सम्झौता महत्वपूर्ण मानिने बताइएको छ।
चीनको खतरालाई मध्यनजर गर्दै भारत र चीनले मजबुत सम्बन्ध बनाउने प्रयास गरेको विश्लेषकहरु बताउँछन्।
मंगलबार दुई देशका मन्त्रीहरुले खुला इन्डो प्यासिफिक क्षेत्रको रक्षा गर्ने र चिनियाँ कम्युनिस्ट पार्टीको त्रास र खतराविरुद्ध एक हुने विषयमा पनि छलफल गरेका थिए।
प्रतिक्रिया