युनिकोड
भारतसँगको सीमा पूर्वी लद्दाखमा विवाद बढिरहेका बेला चीनका राष्ट्रपति सी चिनफिङले आफ्ना देशका सेनालाई युद्धका लागि तयार रहन निर्देशन दिएका छन्।
भारतीय सञ्चारमाध्यमका अनुसार उनले गुआङडोङ प्रान्तस्थित सैनिक क्याम्पको भ्रमण गर्ने क्रममा उनले चिनियाँ सैनिक संगठन पिपुल्स लिवरेसन आर्मी (पीएलए) लाई दिल दिमागदेखि नै युद्धका लागि तयार रहन निर्देशन दिएका हुन्।
उनी मंगलबार माथि उल्लिखित प्रान्तको छाओझु सहरस्थित पीएलए क्याम्पसमा पुगेका थिए। त्यस क्रममा उनले ‘युद्धका लागि हाई अलर्टमा बस्न र मनैदेखि तयारी रहन निर्देशन दिएको’ भारतीय पत्रिका दैनिक भास्करले दाबी गरेको छ।
उनी गुआङडोङ प्रान्तमा स्पेसल इकोनोमिक्स जोनको ४०औं वार्षिकोत्सवका अवसरमा त्यहाँ पुगेको बताइएको छ।
यसअघि चीनको विदेश मन्त्रालयले अमेरिकाले ताइवानलाई अत्याधुनिक हतियार बेच्न कुरा गरिरहेको खबर आएको बताएको थियो। उसले भनेको थियो- चीनले यसको जवाफ दिनेछ।
प्रतिक्रिया