राष्ट्रविरुद्धको महाअपराध छोप्न नयाँ शक्तिको मुखुण्डो लगाएका छन्: ओली

नेकपा (एमाले)का अध्यक्ष केपी शर्मा ओलीले गत भदौ २४ गते भएको घटनालाई ‘राष्ट्रविरुद्धको महाअपराध’ भनेका छन्। 

बिहीबार एमालेको चुनावी घोषणापत्र सार्वजनिक कार्यक्रमलाई सम्बोधन गर्दै अध्यक्ष ओलीले भदौ २४ घटना अप्रत्यासित नभएको जिकिर गरे। ‘भदौ २४ को महाविनास अप्रत्यासित घटना होइन,’ ओलीले भने। 

उनले भदौ २४ गतेको आगजानी तथा तोडफोडलाई राष्ट्रविरुद्धको अपराध भनेका छन्। त्यसमा संलग्न व्यक्ति अहिले नयाँ शक्तिको नाम दिएर आइरहेको उनको आरोप छ। 

‘राष्ट्रका विरुद्धको महाअपराध छोप्न केहीले नयाँ शक्तिको मुखुण्डो लगाएका छन्। तिनलाई चिन्न ढिलो गर्न हुँदैन,’ ओलीले भने।