संघीय संसदका सांसद र त्यहाँका कर्मचारीहरुमध्ये विहिबार परीक्षण गरिएका सबैको कोरोना रिपोर्ट नेगेटिभ आएको संसद सचिवालयले जनाएको छ ।
कोरोना परीक्षणका लागि बिहीबार संघीय संसदका सांसद र अन्य गरी ४४१ जनाको थ्रोट स्वाब संकलन गरी परीक्षणका लागि राष्ट्रिय जनस्वास्थ्य प्रयोगशाला टेकु पठाइएको थियो ।
उनीहरुको रिपोर्ट शुक्रबार मध्यान्ह आएको हो ।
१७९ जना प्रतिनिधिसभा सदस्य, ३३ राष्टिय सभा सदस्य र २२९ जना कर्मचारी तथा मर्यादापालक गरी जम्मा ४४१ जनाकै रिपोर्ट नेगेटिभ आएको सचिवालय स्रोतले जनाएको छ ।
बाँकी सांसद, सुरक्षाकर्मी र कर्मचारी गरी ८३ जनाकाे स्वाब संकलन कार्य शुक्रबार विहान ८ बजे देखि १० बजे सम्म संसद भवनमै गरिएकाे थियाे।
शुक्रबार राष्ट्रिय प्रयाेगशाला टेकु पठाइएकाहरुको साँझसम्म रिपोर्ट आइपुग्नेछ ।
शुक्रबार अपरान्हदेखि संसदको बजेट अधिवेशन सुरु हुन लागेको हुँदा त्यसअघि सांसदहरुको कोरोना परीक्षण गरिएको हो।
प्रतिक्रिया