काठमाडौंको कलंकीनजिकै रविभवनमा आज (शुक्रबार) बिहान कार र मोटरसाइकल ठोक्किँदा एक जनाको मृत्यु भएको छ।
प्रहरीका अनुसार बा २१ च ४३४६ नम्बरको कार र बा ७२ प ८१७२ नम्बरको मोटरसाइकल आपसमा ठोक्किएका हुन्।
दुर्घटनामा मोटरसाइकल चालक मोरङ बेलबारी घर भएका २३ वर्षीय टीकाराज गेलालको मृत्यु भएको हाे। प्रहरीका अनुसार दुर्घटनामा गम्भीर घाइते उनको उपचारका क्रममा कलंकीस्थित नेपाल नेसनल अस्पतालमा मृत्यु भएको हाे।
कार चालक कलंकी निवासी ३९ वर्षीय शिखर जबरा नेपाली सेनाका लेफ्टिनेन्ट कर्णेल रहेको प्रहरीले जानकारी दिएकाे छ। उनी सैनिक मुख्यालमा कार्यरत कर्णेल हुन्। उनलाई नियन्त्रणमा लिइएको प्रहरीले जनाएको छ।
3
Shares
प्रतिक्रिया