युनिकोड
रुकुम पश्चिम र रुकुम पूर्वमा तालमेल गरेर चुनाव लड्न नेकपा (एमाले) र प्रगतिशील लोकतान्त्रिक पार्टी (प्रलोपा) सहमत भएका छन्।
आइतबार एमालेका उपाध्यक्ष रामबहादुर थापा ‘बादल’ र प्रलोपाकी अध्यक्ष दुर्गा सोवले सहमति पत्रमा हस्ताक्षर गरेका छन्। रुकुम पश्चिममा प्रलोपाका उम्मेदवार जनार्दन शर्मा र रुकुम पूर्वमा प्रलोपाका उम्मेदवार संदीप पुनलाई सघाउने भएका छन्।
यस्तै, कर्णाली प्रदेशका हुम्ला र जुम्लाबाहेकका जिल्लामा प्रलोपाले एमालेलाई सघाउने भएको छ। पुरानो राप्ती अञ्चल अन्तर्गतका जिल्लामा पनि एमालेलाई सघाउन प्रलोपा तयार भएको छ।
यो सहमति कार्यान्वयन गर्न आ-आफ्नो आन्तरिक पंक्तिलाई अविलम्ब निर्देशन गर्ने सहमति भएको जनाइएको छ।
प्रतिक्रिया