युनिकोड
नेपाली कांग्रेसले काठमाडौँका १० वटै निर्वाचन क्षेत्रमा उम्मेदवारको टुंगो लगाएको छ।
कांग्रेस संसदीय बोर्डले काठमाडौँका १० वटै निर्वाचन क्षेत्रको उम्मेदवार टुंग्याएको हो। काठमाडौँ-१ मा कांग्रेस महासमिति सदस्य प्रवल थापाले टिकट पाउँदा काठमाडौँ-२ मा नेता कविर शर्मा उम्मेदवार बनेका छन्।
यस्तै, काठमाडौँ-३ मा रमेश अर्याल उम्मेदवार बन्दा काठमाडौँ-४ मा युवा नेता सचिन तिमल्सिनाले टिकट पाएका छन्। कांग्रेसले काठमाडौँ-५ मा प्रदीप पौडेललाई नै टिकट दिएको छ भने काठमाडौँ-६ मा जिल्ला सभापति कृष्ण सबुज बानियाँ उम्मेदवार बनेका छन्।
काठमाडौँ-७ मा प्रमोदहरि गुरागाईंले टिकट पाउँदा काठमाडौँ-८ मा सपना राजभण्डारीलाई टिकट दिइएको छ। पूर्व मन्त्री नविन्द्रराज जोशीकी पत्नी राजभण्डारी यसअघि समानुपातिक सांसद थिइन्।
काठमाडौँ-९ मा केन्द्रीय सदस्य नानु बस्तोला चुनाव उड्दा काठमाडौँ-१० मा हिमाल कार्की उम्मेदवार बनेका छन्। कांग्रेसले प्रदीप पौडेल बाहेकलाई पहिलो पटक चुनावी मैदानमा उतारेको हो।
प्रतिक्रिया