कांग्रेसद्वारा १५६ क्षेत्रमा उम्मेदवार तय, राजधानीका ४ सहित ९ क्षेत्र अझै रिक्त

आगामी फागुन २१ गते हुने प्रतिनिधिसभा निर्वाचनका लागि नेपाली कांग्रेसले प्रत्यक्षतर्फका अधिकांश उम्मेदवारको टुंगो लगाएको छ। मनोनयन दर्ताको अन्तिम दिन सोमबारसम्म कांग्रेसले कूल १६५ निर्वाचन क्षेत्रमध्ये १५६ क्षेत्रमा उम्मेदवार तय गरेको हो। बाँकी ९ निर्वाचन क्षेत्रमा भने आकांक्षीहरूको व्यवस्थापन र आन्तरिक शक्ति सन्तुलन मिलाउन सकस हुँदा उम्मेदवार छनोट प्रक्रिया जारी रहेको कांग्रेस स्रोतले जनाएको छ ।

राजधानीका मुख्य क्षेत्र अझै रिक्त
नेपाली कांग्रेसले काठमाडौंका १० मध्ये ४ वटा महत्वपूर्ण क्षेत्रमा उम्मेदवारको नाम अझै सार्वजनिक गरेको छैन। काठमाडौं क्षेत्र नं. १, २, ३ र ७ मा उम्मेदवार तय हुन बाँकी छ। यस्तै, भक्तपुर–१, चितवन–१, पर्सा–२ र कैलाली–४ मा पनि टिकटको छिनाझपटी कायमै रहँदा उम्मेदवारको नाम सार्वजनिक हुन नसकेको हो।

पार्टी पदाधिकारी र संसदीय बोर्डको बैठकले उम्मेदवारको नाम अन्तिम टुंगो लगाउन गृहकार्य गरिरहेको छ। मनोनयनको समयसीमाभित्रै ती क्षेत्रमा पनि आधिकारिक उम्मेदवार पठाउने कांग्रेसको तयारी छ ।

मुख्य उम्मेदवार