संस्थापन पक्षसँग वार्ता गर्न गगन–विश्वले बनाए चार सदस्यीय समिति

विभाजनको संघारमा पुगेको नेपाली कांग्रेसभित्रको विवाद मिलाउन वार्ता समिति गठन भएको छ।

विशेष महाधिवेशन गरिरहेका महामन्त्रीद्वय गगन थापा र विश्वप्रकाश शर्माले संस्थापन पक्षसँग वार्ता गर्न चार सदस्यीय समिति गठन गरेका हुन्।

समितिमा नेताहरू प्रदीप पौडेल, गुरु घिमिरे, देवराज चालिसे र मधु आचार्य रहेका छन्।

सभापति शेरबहादुर देउवाले विशेष महाधिवेशन पक्षधरसँग सम्वाद गर्न कार्यवाहक सभापति पूर्णबहादुर खड्का र रमेश लेखकलाई जिम्मा दिएका छन्।

‘अब सभापति देउवा पक्षले जतिबेला वार्तामा बोलाए पनि हामी तयार छौँ। तर अहिलेसम्म उहाँहरूले हामीलाई केही खबर गर्नुभएको छैन। उहाँहरू हठ त्यागेर आउने हो भने कुरा गर्न तयार छौँ’ वार्ता समितिका सदस्य देवराज चालिसेले नेपालखबरसँग भने।

• कांग्रेस विवाद मिलाउन गगन-विश्वका ४ सर्त, देउवा पक्ष भन्छ : कुरा मिल्ला जस्तो छ

• गगन–विश्वले हुत्याउन आँटेपछि ब्युँझिए देउवा

• सम्पादकीय : ​जो कांग्रेसको आयु एक पुस्ता थप्न सफल भए