युनिकोड
मधेसी समुदायबाट नेकपा (एमाले)को केन्द्रीय सदस्यमा दुई जना युवा निर्विरोध निर्वाचित भएका छन्।
एमालेको एघारौँ महाधिवेशनबाट युवा नेताद्वय अमरकुमार यादव र रौनित साह केन्द्रीय सदस्यमा निर्विरोधि निर्वाचित भएका हुन्। मधेसी समुदायतर्फ तोकिएको दुई केन्द्रीय सदस्यमा अरुको उम्मेदवारी नपरेपछि यादव र साह निर्विरोध निर्वाचित भएको एमाले केन्द्रीय निर्वाचन आयोगका सचिव डा. कुन्साङ लामाले जानकारी दिए।
जेनजी आन्दोलनपछि एमालेले केन्द्रीय कमिटीमा युवालाई कोटा छुट्याएको हो। प्रदेश र खुला गरी केन्द्रीय कमिटीमा ४० वर्षमूनिका १५ युवा आउने व्यवस्था गरिएको छ। अन्य पदमा भने निर्वाचन हुनेछ।
निर्वाचन आयोगले आज राति ८ बजेबाट मतदान गर्ने जनाएको छ। मंगलबार बिहान मात्रै मतगणना हुने आयोगको भनाइ छ।
प्रतिक्रिया