सरकार संसद्को अवमूल्यन गरिरहेको छ : सांसद सापकोटा

नेकपा (माओवादी केन्द्र) का सांसद माधव सापकोटाले सरकारले संसद्को अवमूल्यन गर्ने तथा संसदीय प्रणालीमाथि छेडखानी गरिरहेको आरोप लगाएका छन्।

मंगलबार संसद् भवन परिसरमा सञ्चारकर्मीहरुसँग कुराकानी गर्दै उनले सरकारको व्यवहारले संविधान र व्यवस्थाप्रति जनतामा अरुची र संकट पैदा हुँदै गएको टिप्पणी गरे।

‘संसद् विघटन गरेको पृष्ठभूमि भएको नेताले सरकारको नेतृत्व गरिराख्नु भएको छ, सरकारले संसद्को अवमूल्यन गर्ने, हेप्ने र संसदीय प्रणालीलाई छेडखानी गर्ने काम गरिराखेको छ,’ सापकोटाले भने, ‘यसले संसद् मात्रै होइन व्यवस्थामाथि अरुची र संकट पैदा गर्दछ। यो सरकार जे उद्देश्य प्राप्तिको लागि गठन भएको छ त्यो उद्देश्य प्राप्तिमा असफल छ। राष्ट्र, जनता, सुशासन, संविधानको संशोधन र समृद्धिको कोणबाट हेर्दा पूर्णतः यो सरकार असफल छ।’

सरकार भ्रष्टाचारमा अल्मलिएको कारण जनताप्रति उत्तरदायी हुन नसकेको उनको आरो छ।