युनिकोड
नेपाली कांग्रेसका सभापति शेरबहादुर देउवाले नेपाल राष्ट्र बैंकको गभर्नर नियुक्तिमा प्राविधिक समस्या देखिएको भन्दै त्यसलाई छिट्टै पार लगाउन बताएका छन्।
शुक्रबार बुढानीलकण्ठमा बसेको नेपाली कांग्रेसको पदाधिकारी बैठकमा यसबारे प्रधानमन्त्रीसँग समेत कुरा भइसकेको भनेर जानकारी दिएकाे एक पदाधिकारीले नेपालखबरलाई बताए।
‘गनर्भनरका विषयमा प्राविधिक समस्याका कारणले लम्बिएको छ, हामी बीचमा एउटा सहमति भइसकेको छ,’ देउवाको भनाइ उद्धृत गर्दै ती पदाधिकारीले भने, ‘हामी छिट्टै यसलाई पार लगाउँछौँ भनेर सभापतिले भन्नुभयो। प्रधानमन्त्रीसँग कुरा भइसकेको छ भन्ने जानकारी गराउनुभयो।’
केही दिनअघिको एक सार्वजनिक कार्यक्रममा पनि उनले राष्ट्र बैंकभित्रकै समस्याका कारण गभर्नर नियुक्त हुन नसकेको बताएका थिए।
प्रतिक्रिया