युनिकोड
नेपाली कांग्रेसको भ्रातृ संगठन राष्ट्रिय लोकतान्त्रिक संघको अध्यक्षमा माधवप्रसाद चम्लागाईंले उम्मेदवारी घोषणा गरेका छन्।
बिहीबार पत्रकार सम्मेलन गरी संघको अध्यक्षमा चम्लागाईंले उम्मेदवारी घोषणा गरेका हुन् । चम्लागाईंको समूहबाट उपाध्यक्षमा उदयबहादुर लिम्बू र महामन्त्रीमा गणेशबहादुर खत्रीले पनि उम्मेदवारी घोषणा गरेका छन्।
चम्लागाईंले नेपालको संविधान र कांग्रेसको विधानमा अपाङ्गता भएका व्यक्तिहरूको राजनीतिक अधिकार स्थापित गराउन निरन्तर खट्दै आएकाले अध्यक्षमा उम्मेदवारी दिन लागेको बताए। संघको अध्यक्षमा चम्लागाईंसहित वर्तमान अध्यक्ष प्रकाश पन्त र विकास थापाले पनि उम्मेदवारी दिने तयारी गरेका छन्। तर, उनीहरूले भने उम्मेदवारी घोषणा गरिसकेका छैनन्।
राष्ट्रिय लोकतान्त्रिक अपाङ्ग संघको प्रथम महाधिवेशन ८-९ चैतमा कांग्रेस पार्टी कार्यालय सानेपामा हुँदै छ। महाधिवेशनमा देशभरबाट एक हजार तीन जना केन्द्रीय प्रतिनिधि सहभागी हुने छन्।
प्रतिक्रिया