युनिकोड
राष्ट्रपति रामचन्द्र पौडेलले किर्तिपुरस्थित बर्न अस्पतालमा उपचाररत उपप्रधानमन्त्री तथा अर्थमन्त्री विष्णु पौडेलको स्वास्थ्य अवस्थाबारे जानकारी लिएका छन्।
राष्ट्रपति पौडेल आइतबार बिहान बर्न अस्पताल पुगेर अर्थमन्त्री पौडेल र पोखरा महानगरपालिकाका मेयर धनराज आचार्यको स्वास्थ्य अवस्थाबारे जानकारी लिएका हुन्।
राष्ट्रपति पौडेलसँगै सभामुख देवराज घिमिरे, स्वास्थ्यमन्त्री प्रदीप पौडेल, सचिव डा.रोशन पोखरेल र हरिप्रसाद मैनाली लगायत पनि मन्त्री पौडेललाई भेट्न अस्पताल पुगेका छन्।
उनीहरुलाई अस्पतालका निर्देशक किरणकिशोर नकर्मीलगायतका चिकित्सकले मन्त्री पौडेल र मेयर आचार्यको स्वास्थ्य अवस्था र उपचार प्रक्रियाबारे जानकारी गराएका छन्।
उपप्रधानमन्त्री पौडेल र मेयर आचार्य पोखरामा शनिबार भएको एक कार्यक्रम उदघाटनका क्रममा भएको घटनामा आगो लागेर घाइते भएका थिए। उनीहरुलाई शनिबारै बर्न अस्पतालको आइसियुमा भर्ना गरेर उपचार सुरु गरिएको छ।
प्रतिक्रिया