संसद् बैठक बस्नुअघि सभामुखले दलहरुसँग सघन छलफल गर्ने

सभामुख देवराज घिमिरेले माघ १८ गते बस्न लागेको संसद्को हिउँदे अधिवेशनबारे सत्तारुढ र विपक्षी दलका मुख्य सचेतक, प्रमुख सचेतकसँग छलफल गर्ने भएका छन्। 

घिमिरेले आइतबार बिहान ११ बजे सत्तापक्षका मुख्य सचेतक र प्रमुख सचेतकसँग छफल गर्ने भएका छन्। त्यस्तै दिउँसो २ बजे प्रमुख प्रतिपक्ष तथा प्रतिपक्षी दलका प्रमुख सचेतकसँग छलफल गर्नेछन्। 

त्यस्तै सोमबार पनि उनले संवाद जारी राख्नेछन्। उनले सोमबार बिहान ११ बजे प्रमुख पाँच दलका मुख्य सचेतक र प्रमुख सचेतकसँग सिंहदरबारमा छलफल गर्नेछन्। 

मंगलबार भने सभामुख घिमिरेले कार्यव्यवस्था परामर्श समितिको बैठक राखेका छन्।