युनिकोड
राष्ट्रिय स्वतन्त्र पार्टी (रास्वपा)को सचिवालय बैठकले केन्द्रीय विभाग र आयोगमा केही सदस्यहरू मनोनयन गरेको छ।
पार्टीका कार्यवाहक सभापति डोलप्रसाद अर्यालको अध्यक्षतामा बसेको बैठकले केन्द्रीय संगठन विभाग र अनुशासन आयोगमा सदस्यहरू मनोनयन गरेको हो।
केन्द्रीय अनुशासन आयोगमा नवलपरासीका कमलप्रसाद पोखरेल र ताप्लेजुङका हरिचन्द्र भट्टराई मनोनित भएका छन्। उनीहरू दुवै जना अधिवक्ता हुन्।
यस्तै केन्द्रीय संगठन विभागमा लमजुङका धर्म केसी, रूपन्देहीका गोपाल घिमिरे र सिरहाका डा विमल तिवारी मनोनित भएका छन्।
पार्टीको केन्द्रीय समितिको विस्तारित बैठक यसै पुस १९, २० र २१ गते बस्ने निर्णय पनि गरिएको कार्यवाहक प्रवक्ता मनीष झाले जानकारी दिए।
उनका अनुसार, बैठकमा पार्टी कार्यवाहक सभापति डोलप्रसाद अर्याल र उपसभापति डा स्वर्णिम वाग्लेले समसामयिक राजनीतिक परिस्थितिबारे समीक्षा प्रस्तुत गरेका थिए। सो अवसरमा कार्यवाहक महामन्त्री कविन्द्र बुर्लाकोटीले ६० जिल्लामा जिल्ला भेला सम्पन्न भएको विवरण पेस गरेका थिए।
प्रतिक्रिया