युनिकोड
हेटौँडा उपमहानगरपालिका–१२ को वडाअध्यक्ष पदका लागि नेकपा एमालेका राजेश नगरकोटीले उम्मेदवारी दर्ता गराएका छन्।
यही मंसिर १६ गते हुने उपनिर्वाचनका लागि वडाअध्यक्ष पदमा नगरकोटीले आफ्नो उम्मेदवारी दर्ता गराएका हुन्।
एमालेका नेता अर्जुन प्रसाद अर्याललाई समर्थक तथा बखान सिंह घलानलाई प्रतास्वक राखेर नगरकोटीले उम्मेदवारी दर्ता गराएका हुन्।
२०७९ को स्थानीय तह निर्वाचनमा यो वडामा माओवादी केन्द्र विजयी भएको थियो। उक्त चुनावमासमेत उम्मेदवार रहेका नगरकोटी उपनिर्वाचनमा पनि चुनावी मैदानमा होमिएका हुन्। गत स्थानीय तह निर्वाचनमा उनले १ हजार ३२५ मत पाएका थिए।
उक्त निर्वाचनमा कांग्रेसका अर्जुन तिवारीले १ हजार ३४० मत ल्याएर दोस्रो भएका थिए। नेकपा माओवादी केन्द्रका ललितबहादुर घलानले १ हजार ३७१ मत ल्याउँदै बिजयी भएका थिए।
गत निर्वाचनमा झिनो मतान्तरले तेस्रो हुँदै पराजय भोगेका नगरकोटीलाई नै नेकपा एमालेले उपनिर्वाचनमा पनि अवसर दिएको हो।
प्रतिक्रिया