विपद् व्यवस्थापन कार्यकारी समितिको बैठक सिंहदरबारमा

विपद् जोखिम न्यूनीकरण तथा व्यवस्थापन कार्यकारी समितिको २७ औँ बैठक सुरु भएको छ।

गृहमन्त्री रमेश लेखकको अध्यक्षतामा विपद् जोखिम न्यूनीकरण तथा व्यवस्थापन प्राधिकरणको कार्यालय, सिंहदरबारमा समितिको बैठक बसेको हो।

दसैँअघि देशभर परेको भारी वर्षाका कारण ठूलो जनधनको क्षति भएको छ। राष्ट्रिय राजमार्गहरू भत्किएका छन्। उद्धार र राहतको कामको प्रभावकारिताका विषयमा पनि छलफल गर्नुपर्ने भएकाले बैठक बोलाइएको गृह मन्त्रालयका अधिकारीले बताएका छन्।