राष्ट्रिय सभाध्यक्षको चुनावअघि बालुवाटारमा प्रचण्ड, ओली र नेपालबीच भेटवार्ता

राष्ट्रिय सभा अध्यक्षको निर्वाचन सुरु हुनुअघि सत्ता गठबन्धनका तीन शीर्ष नेताबीच बालुवाटारमा भेटवार्ता भएको छ।

प्रधानमन्त्री पुष्पकमल दाहाल प्रचण्ड, नेकपा एमालेका अध्यक्ष केपी शर्मा ओली र एकीकृत समाजवादीका अध्यक्ष माधव नेपालबीच मंगलबार बिहान भेटवार्ता भएको हो।

राष्ट्रिय सभा अध्यक्षको निर्वाचन अहिले बिहान ११ बजेर ९ मिनेटपछि बस्ने सभाको बैठकमा हुनेछ।