राष्ट्रियसभाका अध्यक्ष गणेशप्रसाद तिमिल्सिनाले राष्ट्रपति रामचन्द्र पौडेललाई भेटेर स्वास्थ्य अवस्थाबारे जानकारी लिएका छन्।
बुधबार बिहान त्रिवि शिक्षण अस्पताल पुगेर स्वास्थ्यलाभको कामनासहित स्वास्थ्य अवस्थाबारे जानकारी लिएको तिमिल्सिनाका प्रेस सल्लाहकार दुर्गाप्रसाद शर्माले जानकारी दिए।
राष्ट्रपतिको स्वास्थ्य अवस्था हेर्दा आत्तिहाल्न नपर्ने देखिएको र थप परीक्षण र उपचारका लागि चिकित्सकहरूले भारत लैजान सुझाव दिएको जानकारी शर्माले दिए।
राष्ट्रपतिलाई आज थप उपचारका लागि भारत लगिँदै छ। राष्ट्रपति पौडेललाई श्री एयरलाइन्समार्फत नयाँदिल्लीको एम्स अस्पताल लान लागिएको हो।
राष्ट्रपति पौडेलको फोक्सोको तल्लो भागमा पानी जमेको, निमोनिया संक्रमण देखिएको बताइएको छ।
54
Shares
प्रतिक्रिया