युनिकोड
नेपाली कांग्रेसका नेता तथा पूर्वअर्थमन्त्री डा. रामशरण महतले पछिल्लो समय नेपालमा बहस भइरहेको अमेरिकी मिलेनियम च्यालेन्ज कर्पोरेसनसँगको एमसीसी सम्झौतामा नेपालको असंलग्न नीति विपरीत कुनै बुँदा नभएको बताएका छन्।
मंगलबार सामाजिक सञ्चाल ट्विटरमा एमसीसीबारे प्रतिक्रिया दिँदै नेता महतले अमेरिकी इन्डो प्यासिफिक रणनीतिअन्तर्गत पर्ने भन्दैमा आपत्ति जनाउन नहुने बताएका हुन्।
नेता महतले भनेका छन्, ‘सो नीतिको घोषित लक्ष्य सम्बन्धित क्षेत्रका स्वतन्त्र राष्ट्रहरुको शान्ति, समृद्धि र सुरक्षा हो।’
सत्तारुढ दल नेकपाभित्र एमसीसीबारे तीव्र विवाद र बहस भइरहँदा प्रतिपक्षी दलका नेता महतले एमसीसीको विरोध गर्नु उचित नभएको बताएका हुन्।
एमसीसीले विकासमा योगदान दिने भएकाले यसलाई संसदले अनुमोदन गर्नुपर्ने माग उठिरहेको छ।
नेपालको उर्जा र सड़क आयोजनामा रू ५६ अरबको MCC अनुदान संझौतामा देसको असंलग्न नीति बिपरित हुने कुनै बूँदाछैनन!अमेरिकी इन्डो पासिफिक रणनीति अन्तर्गत पर्दछ भन्दैमा आपत्ती गर्नु उचित हुन्न,सो नीतिको घोषित लक्ष संबन्धित क्षेत्रका स्वतन्त्र राष्ट्रहरूको सान्ति, संबृद्धी र सुरक्षा हो।
— Ram Sharan Mahat (@ramsmahat) December 31, 2019
प्रतिक्रिया