सरकारसँग सांसद माधव सापकोटाको माग : तातोपानी नाका पूर्ण रूपमा खुलाऊ

नेकपा माओवादी केन्द्रका सांसद माधव सापकोटाले तातोपानी नाका पूर्ण रुपमा खुलाउन सरकारको ध्यानाकर्षण गराएका छन्। 

बिहीबार सभामुख चयनका लागि जारी प्रतिनिधिसभा बैठकमा उनले भने, ‘छिमेकी चीनसँगको व्यापारिक नाकाबाट आयात र निर्यातलाई पूर्ण रुपमा सुचारु गर्न सकिएमा देशको अर्थतन्त्रमा दरिलो सहयोग हुने हुँदा यस कुरामा सरकार र सदनको प्राथमिकतामा पर्ने विश्वास लिएको छु।’

उनले अगाडि भने, ‘ऐतिहासिक तातोपानी नाका, भृकुटीमार्ग र मितेरी पुलको महत्त्वलाई यो सरकारले राम्रोसँग बुझेको कुरामा म पूर्ण विश्वस्त छु।’

उनी सत्ता साझेदार दलका तर्फबाट संसदमा बोलेका हुन्।