युनिकोड
मंगलबार सरकारबाट बाहिरिएर बुधबार समर्थन फिर्ता लिएको समाजवादी पार्टीले राष्ट्रिय जनता पार्टी (राजपा) नेपालसँगको एकता उसले लिने रणनीतिमा भर पर्ने बताएका छन्।
सरकारलाई समर्थन फिर्ता लिएको जानकारी दिन सिंहदरबारमा भएको पत्रकार सम्मेलनमा बोल्दै समाजवादी पार्टीका केन्द्रीय अध्यक्ष उपेन्द्र यादवले राजपा सकारात्मक रुपमा अघि बढे एकता हुने बताए।
‘उहाँहरुले उठाउनुभएको संविधान संशोधनको मुद्दा कार्यान्वयन गर्न केपी ओली नेतृत्वको सरकार तयार भएन, त्यसैले हामीले सरकार छाड्यौं, अब उहाँहरुको माग बमोजिम हामीले सरकार छाडेको छौं, एकताको लागि कुरा हुन्छ,’ यादवले भने ।
ओली सरकारमा सहभागिताको विषयमा राजपाले आत्मघाती निर्णय नगर्ने यादवले विश्वास लिए। राजपाले जानी जानी आत्मघाती कदम उठाउँदैनहोला,’ उनले थपे, ‘जुन एजेण्डा कार्यान्वयन गर्न नसकेर हामीले सरकार छोड्दै र सरकारलाई दिएको समर्थन फिर्ता लियौं, उहाँहरु पनि आफैले उठाएको माग पूरा नहुने ठाउँमा जानुहोला जस्तो लाग्दैन।’
प्रतिक्रिया