एक सय २२ चिनियाँका साथमा सात सय ४७ मोबाइल र तीन सय ३१ ल्यापटप

शंकास्पद गतिविधिका गरिरहेको आशंकामा पक्राउ परेका १२२ जना चिनियाँ नागरिकबाट प्रहरीले सात सय ४७ मोबाइल र तीन सय ३१ ल्यापटप बरामद गरेको जनाकारी दिएको छ।

बुधबार पत्रकार सम्मेलन गर्दै प्रहरीले अत्याधिक मात्रामा मोबाइल, ल्यापटप, कम्प्युटर लगायता सामग्री बरामद गरेको जनाएको हो।

त्यस्तै उनीहरु बसेको कोठाबाट प्रहरीले ९८ थान सीपीयु, ९९ मोनिटर, २२ पेनड्राइभ डाइभ र ३२७ सीमकार्ड बरामद गरेको जनाएको छ।

प्रहरीको केन्द्रीय अनुसन्धान ब्युरो, महानगरीय अपराध महाशाखा र महानगरीय प्रहरी परिसर काठमाडौंको टोलीले सोमबार बालाजु, महाराजगञ्ज र बुढानीलकण्ठ लगायतका स्थानबाट उनीहरुलाई नियन्त्रणमा लिएको थियो।

उनीहरुलाई महानगरीय प्रहरी परिसर काठमाडौं र मातहतका वृत्तहरुमा रहेका हिरासत कक्षमा राखेर अनुसन्धान अगाडि बढाएको प्रहरीले जनाएको छ।