युनिकोड
नेकपा माओवादी केन्द्रका अध्यक्ष पुष्पकमल दाहाल प्रचण्डले सत्तारुढ गठबन्धनभित्र प्रदेश र क्षेत्रसहित एकैपटक टुंगो लगाउनेगरी सहमति भएको बताएका छन्।
सुर्खेत विमानस्थलमा संचारकर्मीसँगको अन्तरक्रियामा बोल्दै प्रचण्डले सो कुरा बताएका हुन्।
उनका अनुसार संख्यामात्र नभई प्रदेश र क्षेत्र समेत एकैपटक टुंगोमा पुर्याउनेगरी अघि बढिएको उनले बताए। गठबन्धनभित्र कुनै समस्या नभएको बताए।
‘हिजो अबेरसम्म बसेर हामीले गठबन्धनमा संख्या सहमतिको सहमतिको नजिक पुर्याएर अब एकैपटक प्रदेश र क्षेत्रपनि टुंग्याउनेगरी आज दिनभरी काम गरिँदैछ, प्रचण्डले भने, ‘आजको काम सकिएपछि भोलि बसेर क्षेत्र, प्रदेशस समेत सबै कुरालाई समग्रमा टुंग्याउने भनेर उठेका छौं।’
गठबन्धनमा असहमति छैन, म राष्ट्रपति बन्ने हल्ला मात्र हो : प्रचण्ड
सिट बाँडफाँटको विषयमा सत्तारुढ गठबन्धनभित्र कुनै असहमति नभएको दाबी गरेका छन्।
‘असहमति छैन। प्रभावकारी कसरी बनाउने भन्नेतिर नै छलफल केन्द्रीत छ।’ प्रचण्डले भने।
प्रदेश र केन्द्रमा सन्तुलन मिलाएर जाने। हामी एक्लै जित्ने ठाउँमा अन्य गठबन्धनका दलहरुलाई समायोजन गरेर लाने तयारी भएको प्रचण्डले बताए।
प्रतिक्रिया