युनिकोड
नेकपा एकीकृत समाजवादीका अध्यक्ष माधवकुमार नेपालले प्रदेश सभाको ठूलो दलको हैसियतले सुदूरपश्चिम प्रदेश सरकारको नेतृत्व गर्न आफ्नो पार्टी तयार रहेको बताएका छन्।
सोमबार समाजवादी प्रेस संगठन कैलालीले धनगढीमा आयोजना गरेको पत्रकार सम्मेलनमा बोल्दै अध्यक्ष नेपालले सुदूरपश्चिम प्रदेश सरकारमा दाबी गरेका छन्।
गठबन्धनमा रहेका अन्य दलको समर्थन भएमा समाजवादी सरकारको नेतृत्व लिन तयार रहेको उनले उल्लेख गरे।
सुदूरपश्चिममा अहिले समाजवादी र नेपाली कांग्रेसको समर्थनमा नेकपा माओवादी केन्द्रको नेतृत्वमा सरकार छ।
यस्तै, अध्यक्ष नेपालले चुनावअघि कुनै पार्टीसँग पनि समाजवादीको एकता नहुने बताए।
नेकपा एकीकृत समाजवादी र नेकपा माओवादी केन्द्रबीच चुनावअघि एकताको चर्चा चलिरहेका बेला अध्यक्ष नेपालले अहिले कुनै पार्टीसँग एकता गर्ने पक्षमा आफूहरू नरहेको स्पष्ट पारेका हुन्।
उनले अहिले कुनै पार्टीसँग एकता भन्दा पनि एकीकृत समाजवादीले संगठन विस्तारमा ध्यान केन्द्रित गरेको उनको भनाई थियो।
प्रतिक्रिया