युनिकोड
शनिवार सम्पन्न उपनिर्वाचनमा चासोसाथ हेरिएको कास्की क्षेत्र नम्बर २ को मतगणना सुरु भएको छ। निर्वाचन आयोग कास्कीका सूचना अधिकारी रुद्र न्यौपानेका अनुसार राती १०:३० मा सुरु गर्ने तयारी गरिए पनि ढिला गरि मतगणना अघि बढाइएको हो।
यसअघि दलका प्रतिनिधिहरू र निर्वाचन अधिकारीहरूबीच जिल्ला समन्वय समितिको कार्यालयमा तारबार लगाएर मत गन्ने सहमति भएअनुसार व्यवस्था गरेर मतगणना शुरू गरिएको हाे।
उनका अनुसार यो क्षेत्रमा जम्मा मतदाता ७१८७१ रहेकोमा ४५५६३ मत खसेको थियो । ती मध्ये पुरुष २०७८४ र महिला २४७७९ छ्न् ।
केहिबेर अघि सम्पन्न सर्वदलीय बैठकले रातीबाटै मतगणना सुरु गर्ने निर्णय गरेको निर्वाचन आयोगले जनाएको छ।
कास्कीको यो उपनिर्वाचनमा ६३.४० प्रतिशत ४५ हजार ५६३ मत मात्रै खसेको छ।
प्रतिक्रिया