युनिकोड
अल्पमतमा परिसकेका प्रदेश १ का मुख्यमन्त्री भीम आचार्यले मन्त्रिपरिषद् विस्तारको तयारी गरेका छन्।
पाँचजना मन्त्री नियुक्त गर्ने तयारी रहेको मुख्यमन्त्री आचार्यका प्रेस सल्लाकार देवेन्द्र कार्कीले बताएका छन्।
उनका अनुसार दुई मन्त्री र तीन राज्यमन्त्री थप्नेबारे छलफल भइरहेको छ। नवनियुक्त मन्त्रीहरूलाई बुधबार नै सपथ गराउने कार्यक्रमसमेत तय भएको कार्कीले बताए ।
मन्त्री बन्नेहरूको नाम टुंगो लागिसकेको र राज्यमन्त्रीका विषयमा छलफल भइरहेको उनले बताए।
तुलसी न्यौपाने र हिरा थापाको नाम मन्त्रीमा टुंगो लागिसकोको छ। कुन मन्त्रालय दिने भन्ने छलफल भइरहेको कार्कीले बताए ।
यस्तै राज्यमन्त्रीमा उत्तम बस्नेत, ज्ञानेश्वर राजवंशी, यशोदा अधिकारी, नरेन राई र अम्बिका थापाको नामबारे मुख्यमन्त्री कार्यालयमा छलफल भइरहेको छ। बुद्धिकुमार राजभण्डारी र विमल कार्कीले मन्त्री हुन अस्वीकार गरेका छन्।
प्रतिक्रिया