गोकुल बाँस्कोटाको प्रश्न : लुकेर चिना हेराउने, फुटानी लाउने?

नेकपा (एमाले)का नेता तथा पूर्व सञ्चारमन्त्री गोकुल बाँस्कोटाले लुकीलुकी चिना हेराउनेहरुले अहिले हिन्दु धर्म संस्कृतिको विरोध गरिहेको आरोप लगाएका छन्।

सामाजिक सञ्जालमार्फत् बाँस्कोटाले पशुपतिनाथमा सुनको जलारी र ठोरीस्थित राम मन्दिरको बिरोध गर्नेहरुले होली वाइन र भैँसी पूजाको भने बिरोध नगरेको बताएका हुन्।

उनले मान्छे भएपछि धर्मसंस्कृतिसँग जोडिनै पर्ने तर्क गर्दै छुवाछूत हिन्दु धर्म संस्कृतिको अंग नभएको दाबी समेत गरेका छन्।

व्यक्ति र घर्म संस्कृति जोडिएकै छ। थिएन भने भैँसी पूजा र होली वाईन समारोह किन आयोजना गरिए? जलारी र राम मन्दिरको विरोध चै किन?,’ आइतबार बिहान बाँस्कोटाले ट्वीटरमा लेखेका छन्, ‘युरोप अमेरिकामा चर्च र राज्य मात्र छुट्याईएको हो। छुवाछुत ब्यक्तिमा रहेको गलत मनोवैज्ञानिक समस्या हो, हिन्दु संस्कृतिको अंग होईन। लुकेर चिना हेराउनी, फुटानी लाउने!’