संसद विघटन विरुद्ध विवेकशीलको रचनात्मक प्रदर्शन (फोटोफिचर)

विवेकशील पार्टीले संसद विघटनविरुद्ध सोमबार माइतीघर मण्डलामा विरोध प्रदर्शन गरेको छ।

प्रधानमन्त्री केपी शर्मा ओलीले गत पुस ५ गते प्रतिनिधि विघटन गरेपछि सो कदमलाई असंवैधानिक भन्दै आएको विवेकशीलले पुस ६ गतेदेखि नै विभिन्न सिर्जनात्मक स्वरूपमा माइतीघर मण्डलमा लगातार प्रदर्शन गर्दै आएको छ।

आज प्रदर्शन सुरु गरेको एक महिना पुगेकोमा महिनाभरि गरेका उल्लेखनीय गतिविधिहरूलाई पुनः दोहोऱ्याई विरोधको पहिलो चरणको कार्यक्रमको समापन गरेको विवेकशीलले जनाएको छ।

विवेकशीलले शैशवकालमा रहेको लोकतन्त्रलाई नै मार्ने कोशिश भएको महसुस गरी गमलामा रहेका साना बिरुवालाई बोकी ‘लोकतन्त्रको बिरुवा नमार’ भनी प्रदर्शन गरेको थियो।