मेडिकल व्यवसायी दुर्गा प्रसाईंको ‘राष्ट्र बचाउ महाअभियान’ का समर्थकले काठमाडौँको बल्खुमा टायर बालेका छन्।
बिहीबारका लागि निर्धारित कार्यक्रम बिथोलिएको आक्राेशमा उनीहरूले बल्खु चोकमा टायर बालेर विरोध प्रदर्शन गरेका हुन्।
प्रशासनले प्रदर्शनका लागि तोकिदिएको बल्खु क्षेत्रमा लगातार दुई पटकसम्म झडप भएपछि पूर्वनिर्धारित तालिका बिथोलिएको हो।
आज (बिहीबार) उपत्यकाका विभिन्न आठ ठाउँबाट आएको र्याली बल्खुमा कोणसभामा परिणत हुने र त्यहाँ प्रसाईंलगायतले सम्बोधन गर्ने कार्यतालिका थियो।
पूर्वनिर्धारित उक्त कार्यमक्रम बिथोलिएपछि प्रसाईं समर्थकले टायर बालेर विरोध गरेका हुन्। उनीहरूले नाराबाजीसहित बालेको टायर प्रहरीले फालेको छ।
आगोको लप्कासहित बलेका कतिपय टायर प्रहरीले बल्खु चोककाे पुलमुनि समेत फालेको छ। जहाँ सडक छ र पैदलयात्रु तथा सवारीसाधन आवात-जावत गर्छन्।
यही सडक हुँदै बल्खुको तरकारी बजार पनि पुगिन्छ।
Shares
प्रतिक्रिया