संसारभर फैलिएको कोरोना भाइरस संक्रमण रोकथामका लागि सरकारले उच्च सतर्कता अपनाएर सभा र समारोहमा सहभागी नहुन अपिल गरे पनि फिल्म हलहरु भने बन्द नहुने भएका छन्।
आइतबार बसेको नेपाल चलचित्र संघको बैठकले फिल्म हलहरु बन्द नगर्ने निर्णय गरेको खबर आजको नागरिक दैनिकले छापेको छ।
देशभर सञ्चालन भइरहेका सयबढी हल बन्द नगर्ने निर्णय गरिएको संघका सदस्य गोपालकाजी कायस्थले जानकारी दिए।
उनले कोरोना भाइरसका कारण फिल्म हलहरुको व्यापारमा असर पुगेको हुँदा सरकारलाई कर मिनाहासहित राहत दिन आग्रह गरिएको बताए।
प्रतिक्रिया