युनिकोड
चीनको सहयोगमा छहरे-टोखा सुरुङमार्ग निर्माण हुने भएपछि जग्गाको भाउ बढेको छ। सुरुङमार्गले काठमाडौंसँग नुवाकोट र रसुवाको सामीप्य बढ्ने भन्दै स्थानीय हौसिएका छन्।
‘काठमाडौंसँग जोडिए पनि भौगोलिक डाँडाकाँडाले टाढा पारेको नुवाकोटलाई झनै नजिक तुल्याउनेछ’ शिवपुरी गाउँपालिका ८ थानापतिका रूपक कार्कीले भने। सुरुङमार्ग निर्माण हुने भएपछि थानापति, काफलडाँडा, थापागाउँ, सातदोबाटे, खन्याचौर, सत्तरीफाँट, छहरे, थानसिङ, ढिकुरेलगायत पाखा र सम्म परेका फाँटका जग्गाको भाउ ह्वात्तै बढेको छ।
काठमाडौंमा बसेका स्थायी बासिन्दाको अहिलेको रोजाइको थलो शिवपुरी ८ नम्बर वडा र लिखुगाउँपालिका ६ र ५ वडा परेका छन्। काठमाडौंमा स्वच्छ पानीको अभाव, ध्वनी प्रदूषण, खानेपानी किनेर खानुपर्ने, धुलो, धुवाँ र भीडभाडले गर्दा नुवाकोठटका यिनै वडामा जग्गा खरिद गर्ने भनेर आउनेहरू स्थानीय बताउँछन्। यो खबर आजको कान्तिपुरमा कृष्ण थापा (नुवाकोट)ले लेखेका छन्।
पछिल्लो समय थानापतिमा प्रतिरोपनी ८ लाख रुपैयाँसम्म जग्गा कारोबार भइरहेको छ भने समथ फाँटमा आनाको ७ देखि १० लाखसम्म जग्गाको भाउ बढेको स्थानीय बताउँछन्।
प्रतिक्रिया