युनिकोड
सर्लाहीमा एक युवकको बीभत्स हत्या भएको छ। हरिपूर्वा नगरपालिका–३ धनकौल निवासी रामसोगारथ रायका १९ वर्षीय छोरा सुशीलकुमार रायको हत्या भएको हो।
स्थानीय आधारभूत विद्यालयमा शौचालयको सेफ्टी ट्यांकीका लागि खनिएको खाडलमा सोमबार उनको शव फेला परेको जिल्ला प्रहरी कार्यालय (सर्लाही) का डीएसपी विजय यादवले जानकारी दिए।
‘धारिलो हतियारले घाँटी रेटेर हत्या गरेको अवस्थामा शव फेला परेको छ,’ डीएसपी यादवले नेपालखबरसँग भने, ‘हत्या कसले र किन गर्यो खुलेको छैन। हामी थप अनुसन्धान गरिरहेका छौँ।’
आफन्तका अनुसार रोजगारीको लागि भारत गएका सुशील केही दिनअघि मात्रै घर आएका थिए। उनी गएको शुक्रबारदेखि बेपत्ता थिए।
पोस्टमार्टमका लागि प्रहरीले शव प्रादेशिक अस्पताल (मलंगवा) पठाएको छ।
प्रतिक्रिया