युनिकोड
नेकपा एमालेका महासचिव शंकर पोखरेल दाङ क्षेत्र नम्बर २ बाट उम्मेदवार सिफारिस भएका छन्।
लुम्बिनीका पूर्वमुख्यमन्त्री समेत रहेका पोखरेलको नाम प्रत्यक्षतर्फ एकल रुपमा सिफारिस भएको हो। पोखरेले २०७४ सालको चुनावमा २ क बाट निर्वाचित भएर प्रदेशसभामा निर्वाचित भएका थिए।
पोखरेल साढे ३ वर्ष लुम्बिनीको मुख्यमन्त्री बनेका थिए।
दाङ क्षेत्र नम्बर १ मा ३ जनाको नाम सिफारिस भएको छ। प्रतिनिधि सभा सदस्यको लागि शान्ता चौधरी, गंगा चौधरी र रेवतीरमण शर्माको नाम सिफारिस भएको हो।
चौधरीद्वय अहिले पनि संघीय सांसद हुन् भने शर्मा प्रदेश सांसद हुन्।
क्षेत्र नम्बर ३ बाट पनि ३ जनाको नाम सिफारिस भएको छ। जस अनुसार एमाले उपाध्यक्ष युवराज ज्ञवालीको नाम पहिलो नम्बरमा सिफारिस भएको छ।
त्यस्तै, तुल्सीपुर उपमहानगरपालिकाका पूर्वमेयर घनश्याम पाण्डे र केन्द्रीय सदस्य तथा गायिका कोमल वली पनि सिफारिसमा परेकी छन्।
प्रतिक्रिया