झापामा केपी ओलीको घरमा आगजनी गर्न खोज्नेलाई प्रहरीले रोक्यो

प्रधानमन्त्री केपी शर्मा ओली झापास्थित निवासमा आगजनी गर्न खोज्ने समूहलाई प्रहरीले रोकेको छ। 

झापाका प्रहरी प्रमुख एसपी राजन लिम्बुका अनुसार करिब डेढ सय जनाको टोलीले घरी मालपोत कार्यालय र घरी ओली निवासमा आक्रमण गर्ने प्रयास गरेको थियो। 
 
‘एउटा टोली, कहिले मालपोत कार्यालय जान खोज्ने, कहिले सम्मानीय प्रधानमन्त्रीको निवासमा जान खोजेको थियो,’ उनले भने, ‘तर, त्यसलाई टाढै रोकियो। अहिले स्थिति त्यस्तो छैन।’