युनिकोड
धरान उपमहानगरपालिकाका मेयर हर्क साम्पाङलाई सर्दु जलाधार क्षेत्रमा व्यक्तिले भोगचलन गर्दै आएको जग्गामा वृक्षरोपण नगर्न उच्च अदालत विराटनगरले अन्तरिम आदेश जारी गरेको छ।
बिहीबार धरान–४ की रोजिना अधिकारीले दायर गरेको रिटमा सुनुवाइ गर्दै न्यायाधीश मिलन राईको एकल इजलासले सो आदेश दिएको हो।
अधिकारीले भोगचलन गरिरहेको जग्गामा अनधिकृत रूपमा प्रवेश गर्ने, विरुवा रोप्ने जस्ता कार्य निवेदनको अन्तिम टुङ्गो नलागेसम्म नगर्न उच्च अदालतले आदेश दिएको हो।
केहीदिन अघि मेयर साम्पाङसहितको टोलीले वृक्षरोपण गर्दा दुई समूहबीच विवाद उत्पन्न भएको थियो।
साथै, मेयर साम्पाङलाई १५ दिनभित्र अदालतमा हाजिर हुन आदेश भएको छ।
प्रतिक्रिया