सिधुवा बजारको आगो नियन्त्रणमा

धनकुटाको सिधुवा बजारमा लागेको आगो डेढ घण्टापछि नियन्त्रणमा आएको छ।

छथर जोरपाटी गाउँपालिका वडा नं ६ सिधुवा बजारमा लागेको आगलागी बसन्तपुरको दमकल, नेपाल प्रहरी, सशस्त्र प्रहरी र स्थानीयबासीको सहयोगमा नियन्त्रणमा आएको हो। 

आगलागीबाट चार घर जलेका छन्। त्यस्तै, आगो नियन्त्रणको लागि २ घर भत्काइएको छ।

स्थानीय होम बहादुर थापा, डम्बर थापा, झमक थापा, अर्जुन घिमिरेको घर जलेको छ भने सन्तोष राईको घर भत्काइएको हो। 

आगलागी आज बेलुकी करिब ७ः४५ तिर झमक थापाको घरबाट सुरु भएको थियो।