युनिकोड
उम्मेदवार छनौटको विषयलाई लिएर नेपाली कांग्रेस धनकुटामा विवाद भएको छ।
प्रदेश ‘ख’ क्षेत्रीय सभापति राजन पौडेलले सहमति विपरित मनोमानी तरिकाले सिफारिस गरेको भन्दै प्रदेश उपसभापतिसहित ८ जना नेताले विरोध गरेका छन्।
उपसभापति चन्द्र लिम्बु र भिमबहादुर खड्का, सहसचिव मणिराज लिम्बु, महासमिति सदस्य, महाधिवेशन प्रतिनिधि, निवर्तमान सभापति लगायतले विज्ञप्ति जारी गरी प्रत्यक्षतर्फ ११ जना र समानुपातिक तर्फ १७ जनाका नाम प्रस्तावित भएकोमा प्रत्यक्षतर्फ ३ जना र समानुपातिक तर्फ १ महिला सहित २ जना हुनुपर्नेमा प्रत्यक्ष तर्फ ३ र समानुपातिक तर्फ १६ जनाको नाम सिफारीस गरि अरु सदस्यहरुलाई भ्रममा पारेको आरोप लगाएका छन्।
साथै, उपस्थिति भएकाहरुलाई माइन्युटमा हस्ताक्षर गर्न नदिई मनोमानी ढंगबाट आफ्नो नाम प्रत्यक्ष तर्फ १ नं.मा राख्ने र समानुपातिक तर्फ आफ्नै श्रीमतीको नाम १ नं. राखि सिफारिस गरेको भन्दै आपत्ति जनाएका छन्।
यस्तै, उनीहरुले प्रदेश ‘ख’ सभापतिले गरेको काम सच्याउन पार्टीको माथिल्लो निकायमा अपिल पनि गरेका छन्।
प्रतिक्रिया