युनिकोड
जाजरकोटमा खाना पकाउने ग्यास सिलिन्डर लिक हुँदा आगलागी भएको छ। उक्त आगलागीबाट तीन जना घाइते भएका छन्।
नलगाड नगरपालिका–२ छेप्कास्थित थालुप्रसाद जैशीको भान्सा कोठामा रहेको सिलिन्डर आइतबार बिहान १० बजेको समयमा लिक भएर आगलागी भएको प्रहरीले जनाएको छ।
जिल्ला प्रहरी कार्यालय जाजरकोटले ग्यास लिक भएको अवस्थामा जैशीकी श्रीमती ४२ वर्षीया माया जैशीले लाईटरले आगो बाल्ने क्रममा अचानक आगलागी भएको जनाएको छ।
प्रहरी निरीक्षक एक्कबहादुर नेपालीले आगलागीमा परी माया जैशी, उनका २२ वर्षीय छोरा गणेश गौतम र ३७ वर्षीया रुपा जैसी घाइते भएको जानकारी दिए।
उनकाअनुसार घाइतेहरूको नलगाड नगर अस्पतालमा उपचार भइरहेको छ। आगलागीबाट भौतिक तथा आर्थिक क्षति भएको प्रहरीले जनाएको छ।
प्रतिक्रिया